بتذكروا البريفيه والترمينال؟ كلنا كنا نتوتر وما نعرف شو بدنا نعمل وكيف بدنا ننجح ونقطع الجمعة على خير، تعوا نتذكر شو كان يصير معنا وقت التقديم.
١. كان يبلش نهاركن بتوتر وكل يوم قبل الفحص كنتو تخافوا تكونوا نسيتوا إخراج القيد والبطاقة بالبيت وما يعود فيكن تعملوا الفحص وترتاحوا نفسياً كل ما تشوفوهن معكن
٢. تجوا بمدرسة فيا كلمة الثانوية المختلطة وما كنتوا تحفظوا إسمها للمدرسة وبس توصلوا تلاقوا كل رفقاتكن بالصف موترين وخايفين
٣. كنتو تصّلوا لتجوا إنتو والشاطرين بنفس الصف لتنقلوا عنن
٤. كنتو تجوا على الصف بالعين بلع دليل الشامل قبل الفحص
٥. كنتوا تجيبوا معكن خراطيش للستيلو لما تنقطعوا
٦. وإي ما مننسى الإيفاس أنكر efface-encre كان يضل معكن وتحسوا خطوا أحلى من الستيلو
٧. وإمكن كانت تقول: إذا ما مشي الحال هون بتروح مهني يا تقبرني
٨. وأهم شي كانت الترويقة تكون عروس زعتر لأن بفتح الدماغ
٩. بس تسمعوا من التلاميذ إنو المراقب كتير جدي تبلشوا تخافوا وتتوتروا
١٠. كنتوا تكتبوا رقمكن بالعربي وتخافوا تكونوا كاتبينوا غلط
١١. وكنتوا تجيبو معكن لتمحوا والكل يصير بدو يستعيرها منكنTipp-ex
١٢. وأحلى شي بس كنتو تتعرفوا على باقي التلاميذ بالصف لأن بركي عزتوا بعض بالنقل
١٣. بس كان يدق جرس الفحص يبلش قلبكن يدق
١٤. أكيد في حدا من التلاميذ كان بيعجبكن
١٥. كنتوا عاملين راشيتا زغيرة كاتبين عليها نص كتاب التاريخ
١٦. بس تبرم المراقبة ضهرها كنتوا تبلشوا تنقلوا ويلا
١٧. مين في ينسى وقت كانوا يجو يضيفوا المراقبة فنجان قهوة بالصف وتبلش تجقركن من فوق لتحت
١٨. وفي هيدا التلميذ البليع يلي كان عطول يقلكن بس تطلبوا منو مساعدة: مابعرف مني دارس شي يمكن اسقط وبيطلع بالآخر مسكر المسابقات
بتعرفوا حدا هيك؟ منشنوا
١٩. الكالكولاتريس الشهيرة لي كان أفاها راشيتا
٢٠. في يلي مش جايب معو شي وبدو يستعير كل شي وكل 5 دقايق بقطشك عن الكتيبة ليسألك إذا معك مسطرة وشي إذا معك قلم تاني وكل شوي طلب شكل
٢١. كان يبقى في نوعين من المراقبين: يلي ما بخلوكن تتنفسوا ويلي كانوا يخلوكن تنقلوا قد ما بدكن بس ما يكون في حدا على الباب
تاني نوع يمكن من وراهن نجحنا التقديم
٢٢. إمكن كانت ضل واقفة إيدها على قلبها كل يوم بالشمس برات البوابة ناطرة على نار لتعرف كيف عملتوا
٢٣. في أوقات كنتوا بالغلط تكتبوا على المسودة وتطلبوا من المراقبة تختملكن ياها
٢٤. وإيام ما كنتو تعملوا منيح بشي مادة تقلكن الماما: معلي يا تقبرني بضل فيك تعوض بالتاريخ والجغرافيا
٢٥. بتذكروا البلاغة والعروض؟ في شي كان إسمو بحر طويل وفاعلن ومتفاعلن
أكيد بس تلعطوا من الفحص نسيتوا كل شي حافظينوا!
وإنتو شو أكتر شي بتذكروا من إيام التقديم؟ خبرونا بالكومانتس!
Comments
Post a Comment