تعرفوا معنا على ٨ بيوت خشب مع منظر بطير العقل لتقضوا ليلة من العمر بلبنان

​

عبالكن تقضوا ليلة من العمر بمحل بعيد عن العجقة والضجة ؟ كواخ الخشب أكتر من مجرد وجهة سياحية بموسم الصيف! الكواخ الخشبية ملاذنا الأمين بعيد عن عجقة الحياة والمدينة. ما في أحلى من النومة ببيت خشب والنزلة على البيسن بالليل والاستمتاع بمناظر الطبيعة الحلوة. لهيك اليوم رح نعرفكن على مجموعة من الكواخ الخشبية يلي فيكن تستئجروها لليلة وحدة او أكتر لتقضوا وقت حلو أو لتحتفلوا بمناسبة عياد ميلاد، حفلة، خطبة، عشا رومانسي أو شهر عسل.

١. غلامبينغ ليبانون Glamping Lebanon، مغدوشة

عبارة عن تجربة مميزة انعملت كرمال الناس يلي بتحب التخييم وتقضي وقت حلو بالطبيعة بدون ما تسغني عن الكماليات. الكوخ مألف من طابقين، الطابق الأول للنوم والتاني في قعدة مهضومة بتطل على الجبال والوديان. أحلى شي ممكن تستمتعوا في، الجاكوزي بقلب الطبيعة لتعيشوا الفخامة على الآخر.

الرقم: 707 157 70

٢. نايتور لاند 

Natureland، بزبدين

عبارة عن مشروع موجود بقلب الغابة بيتألف من عدة أكواخ خشبية، مسبح خاص وجاكوزي مع أجمل منظر على الطبيعة وجميع أنواع الأنشطة الخارجية: الرابيل، المشي لمسافات طويلة، الرماية، ألعاب مسار الحبل وغيرها. 

الرقم: 232 016 71

٣. نومادز نايتور أند نورتور Nomads Nature and Nurture، سرجبال

إذا عبالكن تناموا بربوع الطبيعة، تعوا قضوا ليلة من العمر عند نوماد نايتر أند ترتر Nomads Nature and Nurture مطرح ما الطبيعة بتغمر النهر بالاضافة لوجود جنينة مميزة ومراجيح وبيسين. هل محل بيتألف من عدة أكواخ خشبية، زغيرة، وسط وكبيرة، جنينة وشلال مي ومقاعد ملونة. 

الرقم: 709 370 76

٤. أوتيل ليالي الشمس، عنجر

بس توصلوا على أوتيل ليالي الشمس رح تلاقوا أكواخ خشبية مغطاية قرميد أحمر ومحاطة بالطبيعة والشجر ناطرينكن. كل يوم الصبح بتوصلكن قدام الباب ترويقة بلدية غير شكل: عصير ليمون، لبنة وجبنة بلدية، بيض بأوراما، مناقيش وقصص كتير طيبة. وفيكن كمان تستمتعوا بالبيسين الخاصة بالأوتيل أو تزوروا المطعم. 

الرقم: 600 622 76

٥. أوزيت كابينز 

UŽÍT Cabins، مزرعة التفاح-إهدن

هل بيت عبارة عن كوخ خشب بيتألف من صالون مهضوم، حمام كتير مرتب ومطبخ زغير، وتخت واسع حتى تناموا مرتاحين. في عدة أنشطة فيكن تعملوها بهل محل متل ال-ATV والhiking والإسترخاء بالبيسين وغيرهن أكيد، ويلي حابب بس يرخيها وما يعمل شي، هل محل هوي المكان المناسب!

الرقم: 564 214 81

٦. لي كولومب 

Resort & Camping Les Colombes، عمشيت

لي كولومب عبارة عن مشروع بالطبيعة بيسمحلكن بالتخييم وقضاء ليلة من العمر، بهل مكان رح تفيقوا على المناظر الطبيعية الخلابة المطلة على الجبل والبحر وهيك رح تستمتعوا بطبيعة عمشيت الرائعة.

الرقم: 401 622 09

٧. ذا تشيل هيل 

The Chill Hill Experience، وطا جوز

مشروع بيتألف من عدة كواخ خشب ومقاعد ومراجيح وبيسين ساحر الجمال بيتميز بقعدة حجر بنص المي. إذا عبالكن تقضوا عطلة مميزة وتستمتعوا بالبرودات، ما إلكن غير تحجزوا وتقضوا ليلة من العمر بوطا الجوز. 

الرقم: 458 775 76

٨. لا تايغا ريزورت 

La TaiGa Pool & Bungalows، كفرعبيدا 

هل مشروع موجود على البحر بمجرد وصولكن رح تفاجئكن الاطلالة البانورامية الرائعة على البحر. هل محل قريب كمان من عدة أماكن سياحية وبيتميز بقعدة خشبية ومنامة مريحة وبيسين وجاكوزي لتسترخوا وتنسوا هموم الدني. 

الرقم: 111 171 03