رح نعرفكن اليوم على مجموعة من البيسينات لي بتقدم خدمات خاصة ومبتكرة للترفيه عن الأطفال.

​

أحلى شي عند الولاد بالصيفية الروحة على البحر أو البيسين، بس بتعرفوا شو بعد أحلى بعد؟ يروحوا على بيسين في ألعاب وزحليطات ليقضوا وقت حلو ويعيشوا مغامرات. رح نعرفكن اليوم على مجموعة من البيسينات لي بتقدم خدمات خاصة ومبتكرة للترفيه عن الأطفال وملء فراغهن وبسطن بوقت يكونوا على البيسين معكن. 

١. ك بريدج 

K-Bridge Water Park & Resort، النبطية

الجنة لي ولادكن عم بنبشوا عليها، في كل شي بيخطر على بالكن، ألعاب، زحليطات من كل الأحجام والألوان وبيسينات وموسيقى ورقص وجو حلو وأكل طيب.

الرقم: 000 730 81

٢. اكوا فان بارك 

Aqua Fun Waterpark، بشامون

محل بيتميز بالألعاب والمغامرات المائية لي ما بتخلص والأكل الطيب لي بحبوا الولاد متل البيتزا والبرغر. 

الرقم: 454 449 81

٣. واتر لاند 

Waterland Resort & Waterpark، زغرتا

هل محل كتير كبير، بيتميز بعدد كبير من البيسينات وبألعاب مائية ضخمة يمكن ما رح تلاقوها بمحل تاني بلبنان، الولاد رح يلاقوا كل شي عن بنبشوا علي ورح يكيفوا لأن لح فيهن يجربوا أكتر من لعبة. 

الرقم: 510 510 70

٤. سبلاش واتر بارك 

Splash Water Park، الدامور

إذا عبالكن تغيروا جو مع الولاد وتبوردوا، هل محل مثالي لأن في بيسين وألعاب بالمي ومطعم مع قعدة روعة لإذا حابين تتشمسوا إنتو وناطرين الولاد يخلصوا لعب.

الرقم: 773 707 03

٥. واتر غايت 

WaterGate Aqua Adventure Park، ضبيه

استمتعوا بنهار مميز على البحر وتشمسوا واسترخوا بالوقت لي الولاد ملهيين بالزحليطات والسباحة والألعاب المائية.

الرقم: 666 555 04

٦. صور بارك 

Sour Water Park & Resort

محل موجود بصور وهوي عبارة عن منتجع في حمام تركي، حمام بخار، سونا، نادي رياضي، ألعاب ترفيهية ومسابح مع ألعاب ونشاطات ما بتخلص للولاد. 

الرقم: 309 500 03

٧. ليتانيا ريزورت 

 Resort، النبطية

هل محل بيتميز بقعدة مهضومة ومسلية للكبار والزغار بين أحضان الطبيعة الخضرا، في مطعم مع قعدة بتجنن وبيسين مع ألعاب للولاد وفيكن تطلبوا كمان أرغيلة إنتو وناطرين الولاد. 

الرقم: 942 541 71

٨. ذا ليزر كلوب 

The Leisure Club، ديك المحدي

هل محل بيتميز بمجموعة بيسينات للكبار وللزغار مع ألعاب للولاد ونادي رياضي وكمان رح تلاقوا ملاعب باسكت وفوتبول وبينغ بونغ إذا كانوا ولادكن بحبوا الرياضة وحركين. 

الرقم: 341 340 03

٩. بيبلوس فان بلانيت 

Byblos Fun Planet، جبيل

هل محل كتير كتير حلو للولاد! في ألعاب بالمي متل لعبة السيارة والزحليطات والبالونات المنفوخة. الولاد رح بكيفوا هني وبالمي وكمان في ألعاب خارجية ومطعم.

الرقم: 833 882 78

١٠. وايفز اكوا بارك 

Waves Aqua Park، المنصورية 

متل ما إسمو بدل، بيتميز ببيسين فيها أمواج اصطناعية وألعاب للولاد وقعدة بتجنن.

الرقم: 555 533 04