١٠ أنهار بلبنان ضروري تزوروهن هالصيفية

​

كلنا بننطر الصيفية كرمال الضهرات

الحلوة والجمعات لي فينا نعملا مع أهلنا ورفقاتنا. والعنصر الاساسي بالصيفية يلي كلنا بنحبوا هو المي، كرمال هيك ولنبعد شوي عن عجقة البحر والمسابح، خلينا نروح عالنهر نبورد وننبسط.

لح ننطلق نحنا وياكن لنزور 10 من أجمل الأنهار لي ممكن الموجودة بلبنان.

١ – نهر الجاهلية بالشوف

اول شي بنبلش بمنطقة الشوف المشهورة بكم نهر بياخدوا العقل، وما فيكن تجوا على الشوف بلا ما تزوروا نهر الجاهلية المشهور بنظافته وجمال الطبيعة المحيطة فيه والأشجار القديمة والمورقة. على ضفاف الجاهلية بتلاقوا عدد كبير من المنتزهات والقعدات الحلوة ومنتزه الجسر بالجاهلية هو واحد من أجملهن، كما إنه هونيك فيكن تستمتعه بجمال الطبيعة وتخيموا وتسهروا بمحل ولا أروع من هيك.

رقم الجسر جاهليه: 71280284 أو 70280284

٢ – الشلالات الزرقا ببعقلين

بعدنا بمنطقة الشوف، بس طلعنا من الجاهلية ووصلنا على نهر بعقلين وتحديدًا الشلالات الزرقا المشهورة بالمنطقة ولي بيقصدها الناس من كافة المناطق. وما فينا نكون ببعقلين وما نزور واحد من أجمل المنتزهات والمطاعم بالمنطقة ويلي هو مطعم الشلالات الزرقا يلي بيطل على أجمل منظر ممكن تشوفوا شلالات بتعقد ومي نضيفة ولا أروع. هون بتقدروا تعيشوا تجربة كتير مميزة بجو كتير هادي، بنص الطبيعة وبعيد عن العجقة.

رقم مطعم الشلالات الزرقا:

 301 560 03

٣ – نهر جنة شوان بكسروان

من الشوف بنطلع صوب الشمال، لنوصل على واحد من أجمل واروع الأنهار يلي ممكن تشوفوها بحياتكن، نهر جنة شوان. النهر هو واحد من روافد نهر ابراهيم، بيتمتع بمحيط رائع مليان بغابات البلوط والصنوبر، لتوصلوا لأجمل بحيرة بلبنان ولي هي بحيرة جنّة شوان. هون فيكن تتمشوا وتخيموا وتسبحوا وتستمتعوا بالطبيعة كله بمحل واحد.

٤ – نهر بسري بجزين

بننتقل للجنوب وتحديدًا بنروح على منطقة بسري الموجودة بقضاء جزين، هيدي المنطقة لي بتتميز بأشجار السنديان والصنوبر كما إنها بتضم معالم اثرية بتعود للعصر الروماني. بهيدي المنطقة بيمرق مجرى نهر الأولي بمنطقة كتير حلوة ومميزة، وهون فيكن تستمتعه بجمال الطبيعة والأكل والسباحة واية شي بتحبوا مع رفقاتكن أو عيلتكن.

٥ – نهر قعقية الجسر بالنبطية

قعقعية الجسر ضيعة صغيرة بمنطقة النبطية بالجنوب بتتميز بوجود بعض الأثار الرومانية التاريخية. كما إنه فيها جسر مميز مؤلف من ثلاث قناطر واقع على ضفاف نهر الليطاني. بهيدي المنطقة فيكن تزوروا واحد من أجمل المنتزهات ولي هو "مي وفي"، يلي فيه برك للسباحة ونشاطات كتير حلوة ممكن تستمتعوا فيها على ضفاف واحد من أجمل أنهار لبنان.

رقم مي وفي: 075 128 03

٦ - نهر الوزاني بالجنوب

نهر الوزاني هو واحد من أجمل الأنهار الموجودة بلبنان. مياه النهر تعتبر من أنظف وأنقى المياه بلبنان لأنها بعيدة عن المعامل والمناطق السكنية، كما إنه بهيدي المنطقة في عدد كبير من المناظر الخلابة والطبيعة الحلوة وفيها عدد من المنتزهات الحلوة. ومن بين هيدي المنتزهات منتزه الغدير يلي بيقدم خدمة وأكل وقعدة مميزة للزبائن.

رقم منتزه الغدير: 437 980 76

٧- نهر الخردلي بكفرتبنيت

بنضل بالجنوب وهالمرة لح نروح على أبعد نقطة ممكن نوصلها ولي هي منكقة كفرتبنيت. هيدي المنطقة بتتميز بوجود نهر كتير حلو فيها ومش الكل بيعرفوا ويلي هو نهر الخردلي. بيتكيز النهر بمحيط طبيعي رائع وبمي نقية، كما إنه بنلاقي على ضفافه عدد من المنتزهات يلي ممكن نستمتع فيها مع الأهل والأصدقاء.

٨- نهر عين الزرقا بيحمر

نهر عين الزرقا هو أحد روافد نهر الليطاني لي بيمرق بمنطقة البقاع الغربي وتحديدًا منطقة يحمر. وبيتميز المكان بطبيعته الخضرا وبالمي الباردة والحلوة. كما انه ممكن تلاقوا على ضفافه عدد من المنتزهات المناسبة للعائلات والأصدقاء متل منتزه عين الجوزة.

رقم منتزه عين الجوزة:

394 086 70

٩- نهر العاصي بالهرمل

ما فينا نعمل جولة بأنهار لبنان بلا ما نذكر نهر العاصي بمنطقة الهرمل. بيتميز نهر العاصي بطبيعته الحلوة والمي النضيفة والباردة كما إنه هو محل مش بس مناسب للقعدات والنزهات فقط. بل كمان هونيك فيكن تمارسوا عدد من الرياضات المائية والجبلية متل الرافتنغ والزيب لاين وغيرها. هيدي الرياضات بتقدمها عدد من المنتزهات الموجودة على ضفافه متل منتزه شلالات الدردارة.

رقم منتزه شلالات الدردارة:

 880 828 03

٠ - نبع مرشد بالمختارة

وهلق لح نرجع عالشوف لنعرفكن على واحد من أحلى روافد نهر الباروك ولي هو نبع مرشد. نبع مرشد هو واحد من أجمل المناطق يلي ممكن تزوروها لأن بتتمتع بطابع أثري من خلال الجسور الموجودة فيها وأشهرهن جسر بركة العروس الموجود من العام 1507 بعهد المماليك. منتزه شلالات نبع مرشد بقدملكن قعدة مميزة وحلوة على ضفاف النبع وبوجه الشلالات الرائعة.

رقم منتزه شلالات نبع مرشد:

220 310 05أو 221 310 05