تعرفوا على فيلا السعادة بلبنان

​

تعرفوا معنا على فيلا السعادة بلبنان... شو سر هل بيت الساحر الموجود بأحضان بالطبيعة؟

اليوم رح نروح جولة على فيلا السعادة بلبنان لنعيش يومين حلوين بأحضان الطبيعة وندلل حالنا، مشوا معنا على Villa Joie.

فيلا جوا Villa Joie عبارة عن بيت ضيافة موجود بمنطقة فتري بجبيل، محاط بالشجر والورود والزيتون من كل الميلات وبيكشف على أجمل المناظر الطبيعية.

رح نخبركن قصة هل مكان وليش يعتبر فيلا السعادة: 

كانت فيلا جوا Villa Joieعبارة عن بيت عائلي من 15 سنة وكانت العيلة المالكة تعمل سهرات وقعدات كل ويك-أند بربوع هل بيت لفترة سنين وهيك يعم الفرح والسعادة على وجوه العيلة والأصحاب والضيوف وكل مين بيجي على هل مكان. كل حدا كان يزور هل بيت يضل يشعر بالسعادة لفترة طويلة ويحس بدو يرجع مرة تانية وتالتة ليرجع يشعر نفس الإحساس.

وهيك بلش هل مشروع ينشر السعادة بقلوب الزوار والضيوف وهيك صارت Villa Joie فيلا السعادة بلبنان لي بتقدم كل أنواع الرفاهية لي رح تاخدكن على عالم تاني وتعطيكن السعادة والفرح لي عم تنبشوا علين.

بتتميز فيلا جوا Villa Joie بوجود 9 فيلات بربوعها كل وحدة أحلى من التانية، بتحمل أسامي الشجر والورود الموجودين فيها وجرعة من السعادة.

بعض هل الفيلات بيتميز بالجنينة الخاصة والبعض بالبيسين الخاص، بالإضافة للمسبح الموحد لي الكل في يتشارك في لحظات السعادة .

تعوا تعرفوا معنا على مميزات الفيلات:

1. Bougainvillea

عبارة عن وردة جذابة بتتميز بالشغف والحيوية وبتعطي السعادة. 

بتساع 4 أشخاص وبتبلش الأسعار من 220 دولار على الليلة مع ترويقة ودخول مجاني على المسبح الموحد.

2. Jasmin

زهرة الياسمين بترمز للطهارة والبراءة والحظ الحلو، الحب والجمال وأكيد رح تعطيكن نفحة من السعادة. 

هل فيلا بتساع 4 أشخاص وبتبلش الأسعار من 275 دولار على الليلة مع ترويقة وبيسين خاص مسخن ودخولية على للمسبح الرئيسي.

3. Chêne

من أكتر الشجر المحبوبة بالعالم بترمز للقوة والتحدي والمعرفة وبترتبط بمبادئ النبل والحكمة وطول العمر يلي بيجيبوا السعادة والفرح لقلوبكن.

هل فيلا بتساع 3 أشخاص وبتبلش الاسعار من 240 دولار على الليلة مع ترويقة وبيسين خاص مسخن ودخولية على المسبح الرئيسي.

4. Capucine

ال Capucine حسب لونها بترمز للعاطفة والشجاعة والفرح والسعادة.

هل فيلا بتساع 3 أشخاص وبتبلش الاسعار من 160 دولار على الليلة مع ترويقة ودخولية مجانية على المسبح الرئيسي.

5. Marguerite

عبارة عن زهرة أسطورية قديمة، بقولوا الله كبها من السما على الأرض لتجيب السعادة والفرح.

بتساع هل فيلا 3 أشخاص وبتبلش الأسعار من 240 دولار على الليلة مع ترويقة ومسبح خاص مسخن ودخولية مجانية على المسبح الرئيسي.

٦. ال Lavande

ال Lavande بيرمز للأناقة والجمال والرفاهية، لأن اللون الأرجواني هوي لون الملوك واللون الوردي هوي لون الشباب.

هل فيلا بتساع شخصين وبتبلش الأسعار من 160 دولار على الليلة مع ترويقة ودخولية مجانية على المسبح الرئيسي.

7. Dahlia 

هل زهرة بترمز للقوة الداخلية والنعمة والتغيير والإبداع والإيجابية وبتعطي سعادة لكل مين بشم عطرها.

هل فيلا بتساع شخصين وبتبلش الأسعار من 160 دولار على الليلة مع ترويقة ودخولية مجانية على المسبح الرئيسي.

8. Hortencia

بترمز زهرة Hortencia للامتنان والسلام وبتجيب السعادة لكل حدا بشمها.

هل فيلا بتساع شخصين وبتبلش الأسعار من 160 دولار على الليلة مع ترويقة ودخولية مجانية على المسبح الرئيسي.

9. Olivier

شجر الزيتون بترمز للسلام والصحة والهدوء. ويقال كمان إنو شجرة الزيتون هي رابط السعادة الأبدي بين الإنسان والأرض.

هل فيلا بتساع 6 أشخاص وبتبلش الأسعار من 450 دولار على الليلة مع ترويقة ومسبح خاص مسخن ودخولية مجانية على للمسبح الرئيسي. 

ملاحظة: بتم تسخين البيسينات الخاصة بالفيلات من آخر أيلول لآخر نيسان. 

مع مين عبالكن تاخدوا جرعة من السعادة؟

للحجز اتصلوا على: 950 009 76