رح ناخدكن على جولة على أطيب محلات البرغر من مختلف مناطق لبنان!

​

دليلكن لأطيب برغر بلبنان: جولة على ١٧ محل بيعملوا برغر ولا أطيب من هيك!

مين ما بحب البرغر؟ بس متل ما بتعرفوا البرغر مش طيب وين ما كان ومش كل الناس بتعرف تعمل برغر طيبة. يعني البرغر متل البيتزا والباستا، بينعمل بأكتر من طريقة وفي منو كتير طعمات بس لي بيجمعهن إنن كلن طيبين. اليوم رح ناخدكن على جولة على أطيب محلات البرغر من مختلف مناطق لبنان لتشوفوا شو عبالكن تجربوا بس تتوحموا على برغر.

١. تشيز أون توب 

Cheese on Top

عشاق الجبنة وطعمتها وريحتها رح تنغرموا بهل محل. متل ما إسمو بدل علي، هل محل بحضر برغر روعة مغطسة بالجبنة من فوق لتحت. 

العنوان الأول: فرن الشباك 

الرقم: 266 288 01

العنوان التاني: زوق مصبح

الرقم: 366 222 09

٢. شي شكور، المروج

هل محل أسطورة البرغر، يلي بعد مش مجربوا عم بروح علي كتير، في عندو كتير إختراعات بالبرغر وأكتر شي مشهور بالبرغر على بيتزا بيبيروني، شي بخلي الريلة تشط! 

الرقم: 153 295 04

٣. جوسي غريل، جونية 

هل محل معروف بالبرغر لي بيعملها لأن بتبقى كبيرة ومدعومة على ذوقكن وبيستاهل تجربوا عندو كل الطعمات والنكهات. 

الرقم: 933 644 09

٤. موراي ريستو كافي 

Murray Resto Café 

هل محل بقدم كل أنواع الأكل لي بتخطر على بالكن والقعدة عندو بترد الروح بس للصراحة البرغر لي بيعملها لفتتلنا نظرنا لأن بعد ما شفنا متلها بالحجم والطعمة الطيبة والكرم. حتى إذا كنتو كتار، طلبوا برج البرغر لي بيعملوا وعيشوا هل تجربة الإستثنائية مع أصحابكن. 

الفرع الأول: أنطلياس

الرقم: 170 154 71

الفرع التاني: كاسليك

الرقم: 570 009 81

٥. يولو برغر 

Yolo Burgers، مار مخايل-الأشرفية 

بتحبوا اللحمة كتير؟ وشو بخصوص الجبنة؟ شوفوا هل محل بيعمل برغر على لحمة ملغومة بالجبنة من دون ما تكون دلعة وفي عندو كتير طعمات غير شكل كمان. 

الرقم: 315 790 71

٦. تشانكي مانكي 

Chunky Monkey، بعبدات 

قد ما نوصف جمال القعدة بهل محل ما رح نخلص، بس كلمتين على السريع كل شي بهل محل رح يسحركن، الديكور، الألوان، الورود والبرودات. غير هيك بيعملوا برغر طيبين كتير والصوصات والخلطات شي بشهي وكمان عندن برغر على شوكولا: شي متل الحلم! 

الرقم: 228 251 70

٧. جيلبير برغر بايت 

Gilbert’s Burger Bites، أنطلياس 

بهل محل البرغر مش متل ما إنتو موعدين عليها، شقفتين خبزة عادية ولحمة وسلطة وبس، عندن signature برغر غريبة شوي بس كتير طيبة: الخبزة سودا أو بتقرقش والحشوة على طول لحمة ودجاج بس مع قصص زيادة وصلصلة بطوش الراس وشوية بطاطا على جنب. 

الرقم: 424 215 01

٨. هانغر بانكر 

Hunger Bunker، زوق مكايل 

البرغر بهل محل غير شكل، في كتير قصص طيبة وخيارات على أفا مين يشيل بس لي بيجمعهن إنن مش متل البرغر العادية لي معودين ليها. بس إذا بدكن تجربوا شي original دوقوا البلاك فادور black vador واستمتعوا بكل لقمة على المظبوط. 

الرقم: 446 141 81

٩. ميتيور 

Meateor، كاسليك 

هل محل بيعمل ساندويشات وبرغر شي بشهي لأن اللحمة عندو طازة وطعمتها بتشق النفس، رح تحسوا بالفرق بين نوعية اللحمة بينو وبين غير محلات. 

الرقم: 595 266 70

١٠. جانك بوكس، كسليك 

بعدنا بالكاسليك بس هلق رح نروح على محل زغير ومهضوم بيعمل ساندويشات وبرغر ملغومين متل ما بقول شعارو، هل محل مناسب لتجوا تاخدوا حصتكن وتاكلوا على السريع وصراحة كتير كريمين والخدمة ممتازة. 

الرقم: 222 970 76

١١. باريل برغرز 

Barrel Burgers، بكفيا 

هل محل عندو قعدة مهضومة بالجبل، يعني بتستمتعوا بالبرغر والأكل الطيب بالبرودات، في أكتر من طعمة متل برغر الدجاج والبرغر على الطريقة المكسيكية والبرغر على فطر إذا كنتوا صايمين أو ما بتاكلوا لحمة وحتى في برغر على فلالفل.

الرقم: 203 616 03

١٢. برغر لافورز 

Burger Lovers، منصورية

هل محل بيعمل أطيب أنواع البرغر مع لمسة سحرية، اللحمة والدجاج طازة عطول وكل برغر بتجي مليانة ومحشية منيح، عندن شي إسمو ميغا تشيكن ضروري تجربوا لأن رح ياخدكن على عالم تاني. 

الرقم: 838 848 71

١٣. هاسك بيروت، الجميزة-بيروت

ما فينا نخبركن عن أطيب محلات البرغر من دون ما نجيب سيرة هاسك، يعني فيكن تقولوا عن هل محل أبو رب البرغر لأن بيعملها على الأصول من دون زيادات دسمة ودلعة. 

الرقم: 071 827 81

١٤. جس سوساج هاس 

J's Sausage Haus، الشياح

الحلو بهل محل غير إنو بيعمل عروضات، عندو تاكوس وناتشوس وأكلات غريبة رح تخليكن تعيشوا تجربة جديدة بالأكل، وصراحة كل البرغر لي بيعملوا طيب بس لازم تجربوا الBBQ بايكون برغر غير شكل! 

الرقم: 802 558 81

١٥. برغر زون، شكا

هل محل عالم من البرغر بحد ذاتو، الزينة رح تحسسكن إنكن بإلمانيا أو بشي شارع بنويورك، البرغر عندو كتير بتشهي، يعني بتحسها عم تعيطلك!

الرقم: 500 377 76

١٦. إن هاوس برغر 

In-House.Burger

مش مبالغة اذا قلنا عن هيدا المحل إنو بقدم برغر خيالية بكل أنواعها بالطعمة والشكل والريحة الطيبة والصلصة المجنونة!

الفرع الأول: كوسبا، الكورة 

الفرع التانى: مارينا ديل سول، أنفه

الرقم: 168 986 71

١٧. بورغيرو

وللأشخاص لي بحبو اللحمة والدجاج كتير هيدا المطعم بيجمعهن مع البرغر، والصورة لحالها بتحكي عن الطعمة الطيبة. ما تترددوا تاكلوا أطيب برغر وتزوروهن بفرع صيدا و بفرع الكسليك.

الفرع الأول: صيدا

الرقم: 844 299 03

الفرع التانى: كسليك 

الرقم: 495 805 71