تعرفوا معنا على الفندق المعلق بالسما.. رحلة غريبة وممتعة بفندق لو تورنان

​

إذا حابين تعيشوا تجربة مميزة وتقضوا يومين حلوين مع العيلة والأصدقاء ما الكن إلا فندق le tournant. بهيدا الفندق بتحسوا حالكن "معلقين بحبال الهوا" متل ما بيقول المتل الشعبي، على حافة جبال سرعل بإهدن وتحديدًا على أطراف وادي قاديشا.

تعوا تعرفوا معنا على مميزات هيدا المحل:

بيتميز هيدا المحل بوجود بركتان، وحدة للكبار ووحدة للصغار، فيهن يسبحوا ويتشمسوا ويتسلوا، وحتى في قعدات فيكن تاكلوا فيها بتطير العقل.

كمان بهيدا الأوتيل بتحسوا حالكن بالجنة فعلًا لأنه موقعه كتير مميز فهو بالإضافة لإنه على حافة جبال سرعل هو كمان قريب على وادي قاديشا، وبشري ومار انطونيوس قزحيا وكل المناطق لي بتصير فيها مهرجانات بالمنطقة.

كمان هالفندق بيتميز بعدد لا بأس به من الغرف على أنواعها لي ممكن تساع عدد وصولا للـ 8 أشخاص.

أما الأسعار فهي شوي غالية نوعًا ما:

الـdouble room يلي بتساع شخصان لـ 3 أشخاص: بتكلفكن 80$ مع ترويقة بنص الجمعة أما بالـweekend فبتصير بـ 90$.

الـconnected room بتساع من 4 وبتوصل لـ6 أشخاص كمان: كل أيام الأسبوع بلا ترويقة بتكلفكن 120$، أما إذا بدكن تضيفوا الترويقة فبتصير بـ150$.

أما الشاليهات فاسعارها بتتراوح على الشكل التالي:

الـsmall يلي بيساع من 3 لـ 4 أشخاص بيكلف 150$ بلا ترويقة كل أيام الاسبوع و180$ مع ترويقة.

الـmedium وهو بيساع بين الـ4 والـ6 أشخاص: 200$ كل الأيام بلا ترويقة و230$ مع ترويقة.

وأخيرًا الـlarge يلي بيساع بين الـ6 والـ8 أشخاص فتكلفته هي 300$ بكل أيام الأبوع بلا ترويقة.

هالفندق الحلو بيحتوي كمان على ملعب وgym وملعب للـtennis يعني بيسمحلكن تمارسوا عدد من النشاطات الرياضية بجو ولا أروع وبمحل مناظره بترد الروح، بالإضافة لانه بيضمنلكن نشاطات بالطبيعة متل الـhiking والـparagliding.

وأخيرًا وليس آخرًا بيحتوي هالمكان على مطعمين الأول لبناني والتاني عالمي، يعني شو ما استحليت تاكل موجود.

أما العرسان يلي حابين يخلوا ليلتن مميزة، فيكن تعملوا عرسكن عندن وبتكون فعلًا ليلة من العمر.

يعني ببساطة فينا نقول انه هالمحل للسيف وللضيف، بيجمع كل شي ممكن تحبوا تعملوا بمكان ولا أحلى.

الرقم: 400 995 06